Министерот Милевски во посета на Општина Новаци

Општина Новаци преку Центарот за развој на Пелагонискиот плански регион набави ново патничко моторно возило-комби.

Станува збор за комби марка “Peugeot” со (8+1) седишта набавено во рамки на проектот “Унапредување на квалитетот на социјалните услуги на регионално ниво“ финансиран во рамките на програмата за регионален развој за 2020 година од страна на Бирото за рамномерен регионален развој и Министерство за локална самоуправа преку Центарот за развој на Пелагонискиот плански регион и буџет на општина Новаци со вкупна вредност на инвестицијата од 1.652.000 денари.

Претходно во склоп на истиот проект беше набавен и испорачан минибус марка “ISUZU” NOVOULTRA со (29+1) седишта.

Преку реализацијата на овој проект односно преку набавката на минибусот и комбито првенствено се обезбедени сите услови и капацитети за обезбедување на бесплатен превоз на учениците од општина Новаци како и заштеда и поврат на инвестицијата.Исто така ќе се обезбедат и социјални услуги на граѓаните и општинската администрација.

Бесплатниот превоз за учениците од Новаци е инвестиција која го подобрува образовниот систем
Комбе од 10 седишта за превоз на ученици е набавката од проектот Унапредување на квалитетот на социјални услуги на регионално ниво во Новаци, истакна при посетата Министерот за локална самоуправа, Горан Милевски.

Вкупната вредност на инвестиција преку проектот “Унапредување на квалитетот на социјалните услуги на регионално ниво“ за општина Новаци изнесува од 6.646.940 денари.