ЗА СЕКОЕ ПРВАЧЕ ВО ОПШТИНА НОВАЦИ ПО 5.000 ДЕНАРИ ВО СТАРТОТ НА НОВАТА УЧЕБНА ГОДИНА
Советот на Општина Новаци донесе Одлука за одобрување на финансиски средства во висина од 5.000 денари –бруто износ на родителите на деца запишани во 1-во одделение во централното ООУ “Славко Лумбарковски” во Новаци и подрачните училишта во општина Новаци за учебната 2020/2021 година.
Овој надоместок е со цел намалување на давачките на родителите кога семејниот буџет се преполовува за училишен прибор и книги при самиот старт на новата учебна година.
Се известуваат сите родители кои имаат запишано прваче во новата учебна 2020/2021 година во ООУ “Славко Лумбарковски” да поднесат Барање за паричен надоместок во општина Новаци –во архива.
Потребни пропратни документи –
-Потврда од училиштето за запишана година
-Извод на родени од детето
-Фотокопија од лична карта на родителот
-Фотокопија од трансакциона сметка на родителот