АПЕЛ ЗА РАЦИОНАЛНО КОРИСТЕЊЕ НА ВОДАТА ОД ЛОКАЛНИТЕ ВОДОВОДИ ВО ОПШТИНА НОВАЦИ
Имајќи во предвид дека водата за пиење претставува најскапоцен ресурс и дека треба рационално и одговорно да се троши, Општина Новаци и ЈПКД Комунална Хигиена од Новаци упатуваат апел пред се до корисниците на вода од локалните водоводи за рационално и совесно користење на водата за пиење.Апелот доаѓа пред самиот почеток на летната сезона а со тоа и зголемената побарувачка на вода поради високите температури и период на суша а најмногу поради големата злоупотреба на водата за пиење за наводнување на бавчите, овошни насади и други земјоделски површини како и големиот број на диви приклучоци кои ги користат за ненаменско користење на водата за пиење.Екипи од Општина Новаци и комуналното претпријатие ќе вршат теренски контроли по населените места со цел да се намалат манипулациите со водата за пиење и ненаменското користење на истата.Корисниците на вода за пиење да бидат повнимателни, одговорни и да покажат хуманост и рационалност.
0 Comments