Одбележана 23 годишнина од смртта на бранителот Пеце Матичевски

Денес се навршуваат 23 тажни години од смртта на нашиот сограѓанин Пеце Матичевски, кој животот го даде во одбрана на татковината во конфликтот во 2001 година.
Градоначалникот Стевче Стевановски, претставници од општинската администрација и Советот на Општина Новаци положија цвеќе на гробот на бранителот Пеце Матичевски на гробиштата во Новаци.
На денешен ден 05.06.2001 година загинаа во заседа кај Гајре, Шипковица Пеце Матичевски, Влатко Миленковски и Благојче Силјановски, воени резервисти, припадници на баталјонот на Воената полиција од Битолскиот корпус.