Одбележана годишнината од масакрот кај Вејце
Со полагање на цвеќе пред споменикот на Бранителите или Ангелот кај Саат кулата во Битола денеска одбележавме 23 години од масакрот кај тетовското село Вејце кога бунтовниците на ОНА од заседа убија осум македонски војници.
Загинаа Роберт Петковски (27) од Скопје, Бобан Трајковски (28) од Куманово, Игор Костески (26) од Скопје, Миле Јаневски (30) од Македонска Каменица, Марјан Божиновски (27) од Битола, Илче Стојановски (24) од Битола, Кире Костадиновски (24) од Битола и Бошко Најдовски (24) од Битола.
Осумтемина загинати бранители, во војната од 2001 година, заедно со уште шестмина кои преживеаја, беа нападнати од заседа движејќи се меѓу тетовските села Селце и Вејце. Нивните тела од беа масакрирани и запалени на планинскиот пат од страна на терористите на ОНА.
Шесттемина преживеани биле во последното возило од колоната. Повредени, успеале да се извлечат и да јават за масакрот.
Нека им е вечна слава на хероите кои ги положија своите животи во одбрана на Македонија!!
0 Comments