БЕСПЛАТНА ПРАВНА ПОМОШ ЗА ЖИТЕЛИТЕ НА ОПШТИНА НОВАЦИ
Градоначалникот на Општина Новаци, Стевче Стевановски заедно со министерот за правда Кренар Лога потпишаа Меморандум за соработка и ја отворија Канцеларијата за бесплатна правна помош.
Граѓаните овде ќе имаат можност одблиску да се информираат и да добијат одговори за начинот на кој може да се побара и добие бесплатна правна помош, вклучувајќи го семејното насилство,старателство, дискриминација, социјална и здравствена заштита, работни спорови, оставински постапки и сл.
Бесплатната правна помош е наменета за ранливите граѓани кои се во тешка финансиска состојба со што ќе им се овозможи да добијат правна помош од адвокат и фер судење.
Кампањата се реализира во различни региони во земјава и е поддржана од Европската Унија и Советот на Европа во соработка со Министерството за правда.
Пристапот до правдата е дел од Поглавјето 23 ,,Правосудство и фундаменални права”. Целта е да се хармонизираат правната рамка и политиките во однос на бесплатната правна помош во согласност со стандардите на Совет на Европа како и да се зајакнат капацитетите за давање на квалитетни услуги. Пристапот до правдата е еден од критериумите за членство во ЕУ.
0 Comments