Набавена е нова опрема за училиштето во Новаци

Градоначалникот на Општина Новаци, Стевче Стевановски денес беше во посета на ЦОУ „Славко Лумбарковски“ во с.Новаци, каде со средства од Буџетот на Општина Новаци се набавија 2 интерактивни панели, 13 магнетни табли, 4 телевизори и 2 проектори. Како локална самоуправа, редовно инвестираме во модернизирање на образованието, затоа што образованието на младите е клучно за нивниот личен развој и за иднината на секоја заедница. Вложувањето во квалитетно образование е една од најважните инвестиции која може да се направи за иднината на младите и општеството во целина. Квалитетното образование не само што ги подготвува учениците со потребните знаења и вештини за нивните идни кариери, туку исто така ги оспособува да бидат критички мислители, иновативни решавачи на проблеми и активни учесници во демократските процеси.