Здружението на жени од Новаци освои прво место на манифестацијата “Зелникот на баба” во Пробиштип

Здружението на жени од Новаци го освои првото место во категоријата брзо сукање на зелник на манифестацијата ” Зелникот на баба” која се одржа традиционално во Пробиштип.Оваа манифестација се организира по повод денот на пролетта и учество земаат голем број на здруженија и поединци каде се натпреваруваат во различни категории меѓу кои на лице место демонстрација како се сука зелник и истиот се пече под вршник, натпревар во брзо сукање како и најдобра етно аранжирана маса.

Нашите претставници од општина Новаци кои се постојани промотори и афирматори на културните и традиционални вредности покрај првата награда добија и благодарница за учество на манифестацијата.
Општината дава целосна поддршка на ваков вид промоција .