Заменик амбасадорот на Австралија Фил Андерсон во посета на Општина Новаци

Денес во посета на Општина Новаци беше заменик амбасадорот на Австралија Фил Андерсон и конзулот Зоран Костовски.

Остварија средба со градоначалникот на Општина Новаци Стевче Стевановски,со претставниците во Советот и администрацијата, локални стопанственици и земјоделци производотели на тутун. Исто така се одржаа состаноци и со претставници од образовниот сектор од Општина Новаци и регионот.

Посетата на амбасадорот заврши со работилница на тема ,, Од полињата со тутун, до училишта без тутун” со дечињата од ЦОУ ,,Славко Лумбарковски” во Новаци.