Доделени благодарници и награди на сите ученици и училишните тимови

Денес градоначалникот на Општина Новаци, во општинската сала во Новаци присуствуваше на свеченост организирана од ООУ „Славко Лумбарковски“, на која директорот на училиштето им додели благодарници и награди на сите ученици и училишните тимови кои успешно се натпреваруваа на општински, регионални и државни натпревари. Исто така, благодарници и награди им беа доделени и на учениците кои се истакнуваат со примерно поведение како и на нивните наставници. Посебна благодарница беше доделена и на градоначалникот на општината, кој покрај тоа што секогаш ги поддржува овие настани, максимално се труди да обезбеди подобри услови за настава за сите ученици во нашето основно училиште.