Се градат тротоари во Новаци, Добромири и Гермијан
Започнаа активностите околу изградбата на тротоари во Новаци во должина од 400 метри на регионалниот пат Р1311.
„ Настојуваме да го искористиме убавото време во моменот и да завршиме што повеќе градежни активности кои ни се планирами. Поставуваме тротоари во Новаци на регионалниот пат Р1311 во должи на од 400 метри. Вредноста на овој зафат изнесува 1,7 милион денари. “ рече Лазар Котевски, градоначалник на општина Новаци.
Покрај во Новаци поставувањето на тротоари е започнато и во Гермијан и Добромири.
„ Покрај во Новаци, паралелно се поставува тротоари и во Добромири во должина од 340 метри – вредност 1,4 милион денари и Гермијан во должина од 600 метри – вредност 1,2 милион денари. “ рече Котевски.
Средствата за овие градежни активности – изградба на тротоари во трите населени места: Новаци, Доброимир и Гермјан се обезбедени од Министерство за животна средина и просторно планирање на РМ односно преку Фондот за фосилни горива.