Како заокружување на денешната агенда, вечерва имав чест да присуствувам на проекцијата на документарниот филм „Општина Новаци – 30 години развој“, во режија и сценарио на Катерина Чукалевска и Иванчо Петковски, во продукција на Општина Новаци и Младинска Граѓанска Акција. 
Филмот претставува силно и емотивно сведоштво за три децении посветена работа, континуиран развој и зачувување на традицијата. Преку искрените приказни на жители, млади активисти и локални лидери, се отсликува духот и што ја прави Општина Новаци посебна.
Навистина е инспиративно да се види колку многу е постигнато низ годините, но и да се почувствува колку големо значење има вложениот труд, визија и љубов кон заедницата. Овој филм не е само потсетник на минатото, туку и силна мотивација за иднината и новите генерации кои ќе продолжат да ја градат приказната на Новаци.