Во спортската сала на ООУ „Славко Лумбарковски“ во Новаци, свечено беше одбележан значајниот јубилеј – 70 години од постоењето на училиштето.
Приредбата помина во празнична атмосфера, исполнета со богата програма подготвена од учениците, кои преку музички, драмски и рецитаторски точки ја претставија историјата, духот и вредностите на училиштето. Со својата креативност и енергија, тие уште еднаш покажаа дека училиштето е место каде се негуваат знаењето, талентот и љубовта кон образованието.
На настанот свое обраќање имаше и градоначалникот, кој ја истакна важноста на образованието како темел за развојот на заедницата, упатувајќи честитки за значајниот јубилеј и поддршка за понатамошниот напредок на училиштето.
Прославата на 70-годишнината претставуваше можност за потсетување на долгогодишната традиција, успеси и генерации ученици, наставници и директори кои оставиле траен белег во развојот на ООУ „Славко Лумбарковски“.