Општина Новаци продолжува со својата заложба за унапредување на образовниот процес и создавање подобри услови за учење.
Денес, на учениците од четврто одделение при ООУ „Славко Лумбарковски“ – Новаци им беа доделени таблет уреди, наменети за непречено следење на наставата и реализација на образовните содржини согласно наставната програма.
Оваа активност претставува континуитет на поддршката што ја обезбедуваме за најмладите, и е редовна практика која се реализира од почетокот на мојот мандат како градоначалник на Општина Новаци, со цел поттикнување на дигиталното образование и еднаков пристап до современи алатки за учење.
Општина Новаци останува посветена на инвестиции во образованието, бидејќи вложувањето во младите е вложување во иднината на заедницата.