Денес присуствував на седница на Националниот совет за развој, како значаен форум во рамки на Националната развојна стратегија, каде што се дискутираше за клучни прашања поврзани со долгорочниот, стратешки и одржлив развој на државата.
Националниот совет за развој претставува повеќе од формална институционална рамка – тој е простор за отворен дијалог, аргументирана дебата и градење заеднички визии, преку активно вклучување на претставници од сите засегнати општествени чинители.
Посебно значајно е што Националната развојна стратегија е резултат на широк општествен и политички консензус, што дополнително беше потврдено со формирањето на Интерпартиската парламентарна група за следење на напредокот на стратегијата, на 16 мај во Собранието.
Ова е силна порака за политичка зрелост, одговорност и координација меѓу институциите, но и јасен чекор кон промоција на инклузивни политики, транспарентност, отчетност и долгорочно стратешко размислување.
Верувам дека преку вакви процеси и соработка можеме заеднички да градиме посилна, поодржлива и просперитетна иднина за сите граѓани.