Трет координативен состанок за проектот „Жива историја ,Жива природа 2 “

Денеска во општина Новаци се одржа третиот координативен состанок за прогресот и текот на имплементацијата на проектот „Жива историја, жива природа 2“ со грчките партнери од општина Алмопиа.

„ На состанокот разговаравме за тековните активности, досегашното имплементирање на проектот кај двата партнери Новаци и Алмопиа, проблемите и предизвиците со кои се соочуваме при реализацијата а секако посебен осврт беше ставено на активностите кои треба да се имплементираат до крајот односно заедничките активности како што се школата за фотографија,конкурсот за најубави фотрографии, школата за архитектура и за новинари и блогери која ќе биде во Аридеа и сл. “-. рече Лазар Котевски, градоначалник на општина Новаци.

Научниот соработник Никос Тсимас ги презентираше досегашните но и  идните активности на Алмопиа кои произлегуваат од имплементирањето на овој втор заеднички прекуграничен проект. Го презентираше партенрното уредивање на плоштадот во Атеохори, Аридеа, реализираната прва работилница за новинари и блогери и сл.

Состанокот заврши со дискусија за останатите заеднички активности кои следат до крајот на проектот „Жива историја,жива природа“ 2, завршната конференција во двете земји на која ќе се презентираат резултатите од проектот .

Проектот „Жива историја, жива природа 2“ е втор проект кој општините Новаци и Алмопиа го имплементираа од програмата за прекугранична соработка Македонија-Грицја 2007 – 2013 .