ОФФ РОАД ПЕЛИСТЕР организира џип тура низ Мариово

На сите учесници им посакав успешна џип тура низ Мариово која ја организира ОФФ РОАД ПЕЛИСТЕР.

Организаторите испланирале посета на неколку туристичко – историски знаменитости, природни убавини и верски објекти низ Мариово во две фази. Имено во првата фаза предвидено е да се види Церова полјана, ,, Петте чешми”, висорамнината Добро Поле каде е пробиен т.н Солунскиот фронт во Прва светска војна во 1918 г и одмор во караулата во с. Старавина.

Втората фаза пак предвидува учесниците на џип турата да го посетат спортско рекреативниот парк на река Коњарка и Скочивир.

На овај начин Општина Новаци се промовира како интересна туристичка дестинација и за алтернативни авантуристички видови на туризам.