Skip to content Skip to main navigation Skip to footer

Општина Новаци е домаќин на шест члена делегација од збратимената Општина Хрпеље Козина, Р. Словенија

Овие денови Општина Новаци е домаќин на шест члена делегација од збратимената Општина Хрпеље Козина, Р. Словенија. На мое огромно задоволство денес беа гости во мојот кабинет а потоа заедно со советниците и администрацијата одржавме свечена седница на Советот на Општина Новаци.

Разменивме искуства за работењето на локалните самоуправи и советите, висината на нашите буџети, ингеренциите и сл.

Нашите гости ја посетија детската градинка ,, Бамби ” во Новаци каде присуствувавме на прекрасната приредба подготвена од дечињата кои од септември ќе бидат првачиња.

Делегацијата од Словенија го посети и ООУ ,, Славко Лимбарковски” Новаци каде децата направија катче со знаменитостите на двете општини и ги изрецитираа песните од двата најголеми писатели од Македонија и Словенија на двата јазика.

Градоначалничката на Хрпеље Козина Саша Ликавец Светелшек во име на општината во училиштето донираше дефибрилатор.

Вочест на нашите гости денес беше организирана и велосипедска тура Новаци – Добромири со децата од училиштето и претставници од велосипедскиот клуб Новабајк од Новаци.

0 Comments

There are no comments yet

Leave a comment

Your email address will not be published.

Back to top
Skip to content