Водици во Општина Новаци

Бог се јави!

НАВИСТИНА се јави!!!

Да ни е за многу години денешниот голем христијански празник!

Сакам да ви го честитам Водици и да ви посакам многу здравје, среќа, радост, успех и исполнување на сите ваши желби.

Празникот Водици (Богојавление) народот го празнува како еден од најголемите христијански празници, зашто на тој ден Исус Христос е крстен од Свети Јован Крстител во реката Јордан. Со тоа на овој празник му се дава значење на крштевањето како една од повеќето свети тајни на христијанството. Крштевањето значи и духовно раѓање, односно почеток на човековото живеење во верата.

Денес присуствував на фрлањето на светиот крст во Новаци и Добромири а оваа церемонија се одржува во 15 населени места во Општина Новаци.

Најсреќните верници кои го извадија светиот крст од осветените води се:

Благојче Петровски во Новаци

Михајло Ристевски во Добромири

Анѓелко Јолевски Агларци

Анабела Стојчевска во Далбеговци

Стефан Митревски во Рибарци

Никола Митровски во Живојно

Мартин Пеовски во Маково

Сара Јагоридовска од Бач

Александар Петковски од Гермијан

Теодор Смилевски во Градешница

Им честитаме и нека ги прати среќа.

Нека ни е честит и вековит празникот Богојавление Водици.