Continue reading »]]>

Менол Најдовски, родум од село Груништа- Мариовско, кој од својата 13 та година живее во Мелбурн Австралија, заинтересиран е да гради фабрика за производство на картонска амбалажа во Општина Новаци. Тој е еден од ретките големи и успешни бизнисмени , кој поседува фабрика која се простира на 16 000 метри квадратни , целосно компјутеризирана со 60 вработени лица .

„ Во Австралија изградив огромна фабрика која постојано ја развивам и проширувам. Сега планирам биснисот да го проширам на дополнитени 60 000 метри квадратни каде ќе инсталирам најсовремени машини и технологија со што ќе овозможам зголемување на проиводството до 100 тона на ден“ – вели Менол Најдовски.

Најдовски денеска оствари средба со градоначалникот Лазар Котевски при што му ја пренесе неговата желба својот семеен бизнис да го прошири и во родната грутка.

„ Местоположбата на нашата општина е многу поволна затоа што се наоѓаме во погранично подрачје и во непосредна близина на солунското пристаниште. Општина Новаци му понуди на Менол Најдовски парцела од 10 000 метри квадратни во индустриската зона за изградба на фабрика“- рече градоначалникот на Општина Новаци , Лазар Котевски.

Седиштето на фабриката ќе биде во Новаци а планирам да отворам и повеќе откупни центри во поголемите градови ширум Република Македонија, вели Најдовски.

„ Во Фабриката ќе се врши откуп и сортирање на пластика,  стакло, лимена амбалажа и хартија ,а во неа на почеток ќе се вработат околу 20 лица“- вели вели Менол Најдовски.

Оваа нова инвестиција во Општина Новаци првично била договарана минатата година кога градоначалникот Лазар Котевски посети неколку општини во Австралија и оствари средби со неколку бизнисмени. Менол Најдовски од поодамна сакал да инвестира во Македонија но кога и да покренел иницијатива , го кочеле сложените административни процедури. Посебно го радува фактот што Владата на РМ спроведе реформи со што ги отстрани пречките кои го кочеле во остварувањето на неговиот долгогодишен сон .

Continue reading »]]> За нешто повеќе од година дена од стартувањето на Законот за постапување со бесправно изградените објекти, во Општина Новаци од вкупно поднесени  968 барања за легализација на дивоградби , 120 веќе се реализирани  а дополнително доставени се и околу 100 тина елаборати по кои веќе се постапува. Стручните екипи веќе се излезени на терен и постапуваат согласно Законот, но при решавањето на дел од предметите наидуваат на проблеми од објективен карактер.

„ Посебен проблем претставуваат нерасчистените имотно правни односи на жителите на Општина Новаци, кои заради тоа неможат да продолжат со постапката за легализација на објектите додека не си ги решат постоечките проблеми“ вели Лазар Котевски ,градоначалник на Општина Новаци .

Од Општина Новаци упатуваат апел до сите жители на Општина Новаци кои имаат поднесено барање со цел да го запазат определениот рок, да ја докомплетираат потребната документација за утврдување на правен статус на бесправно изградени објекти ( легализација на дивоградбите).

Со Законот за легализација ќе може да се легализираат бесправно изградените објекти наменети за индивидуално домување, колективните станбени објекти, надградби и доградби, потоа градбите што се од значење за државата, објекти со намена за производство, дистрибуција и сервиси, електронски комуникациски мрежи и јавни здравствени установи.

За поголемо информирање на граѓаните  со цел поголема успешност во решавањето на барањата, Општина Новаци на почетокот на месец февруари, организираше трибина на која покрај претставниците на Општината учество зеде и пратеничката Катерина Димевска.

„ На оваа трибина пред граѓаните поблиску беа прикажани можностите на кој начин тие можат да ги легализираат своите доградби или надградби. Исто така беше објаснета и процедурата со која потребните документи за легализација се намалени во голем број.Единствено посложена задача е да се добие геодетски елаборат кој жителите можат да го набават од приватните катастари“- вели Лазар Котевски ,градоначалник на Општина Новаци .

Преку оваа трибина, на жителите на Општина Новаци  им се овозможи да се информираат за поволностите на Законот и можностите кои ги нуди Општина Новаци во овој процес.

Continue reading »]]> Општина Новаци конечно ќе ја добие првата бензиска станица на нејзина територија, објект кој по изградбата ќе биде од голема корист за мештаните на  општина,кои за точење гориво требаше да одат дури до Битола.

Камен темелникот беше ставен во саботата во присуство на градоначалникот Лазар Котевски.

Станува збор за приватна инвестиција , а објектот се гради на градежно земјиште со вкупна површина од 1099 m² , сопственост на Република Македонија кое претходно на јавен повик на Министерството за транспорт и врски беше отуѓено, по почетна цена на јавното наддавање од 250, 00 денари од метар квадратен.

Continue reading »]]>

Електрани на Македонија ќе гради соларна електрана во пелагониската општина Новаци во рамките на проектот за искористување на автономни и хибридни варијанти на соларна централа. Вредноста на инвестицијата во соларната електрана во Суводол ќе изнесува 30 милиони евра а вкупниот износ на проектот е 225 милиони евра , од кои 17 милиони евра ЕЛЕМ ќе обезбеди од сопствени извори а останатите 96 милиони евра од заем од Светска Банка. Преостанатиот износ од 112 милиони евра ќе се обезбеди со учество на странски партнер.

За потребите на проектот веќе во тек е изработката на Студија за влијанието врз животната средина која ќе биде завршена до крајот на 2012 година.

Според првичните предвидувања проектот треба да започне да се реализира на почетокот на идната година.

Со цел задоволување на потрошувачите и нивните зголемени потреби од електрична енергија, Електрани на Македонија планира понатамошно развивање на обновливите извори на енергија, вклучително и на соларната енергија.

ЕЛЕМ располага со сите потребни објекти за изградба на соларната електрана во Суводол,како на пример 110/6.3 kV трафостаница на површинскиот коп соодветна за поврзување на 50 MW електрична централа, а располага и со потребните количества на вода потребна за прскање и чистење на рефлектирачките површини .

Со реализацијата на оваа инвестиција ќе се овозможи производството на 104 милиони киловат часови еколошки чиста сорана енергија годишно.

Изградбата на соларната термоелектрана ќе биде алтернативен извор на енергија со која ќе се намали експлатацијата на фосилните горива,и ќе се продолжи векот на траење на РЕК Битола но и ќе се намали загадувањето на животната средина..

Continue reading »]]>  

30 тината деца од селото Далгобевци ќе уживаат во благодетите на ракометното игралиште и детскиот забавен парк кои во саботата беа свечено пуштени во употреба во присуство на градоначалникот на Општина Новаци, Лазар Котевски. Општина Новаци се грижи за своето население и се залага за подобрување на нивниот живот села , токму затоа го изградивме повеќенаменско игралиште за фудбал, кошарка и ракомет како и детскиот парк со лизгалки и нишалки за најмладите, рече Котевски.

„ Со заложба на општината и со помош од Владата на РМ се направи ова игралиште за занимација на жителите од руралните средини . Вакви игралишта изградивме и ќе градиме и во други села.”рече  Лазар Котевски,  градоначалник на Општина Новаци.

За изградбата на повеќенаменското игралиште и детскиот забавен парк беа потрошени 1 милион и 500 000 денари општински пари. Во селото Далгобевци нема училиште но општината планира негова изградба во периодот кој следи.

Continue reading »]]>

Мештаните на селото Далбеговци во иднина сите верски слави, прослави, свадби и крштевки ќе ги одржуваат во црквата Христово Воскресение  , каде во саботата беше осветена новата црковна сала. Настанот се одржа во присуство на градоначалникот на Општина Новаци Лазар Котевски и митрополитот преспанско пелагониски и администратор австралиско – новозеландски г. Петар, кој ја освети црковната сала.

„Општината и во иднина ќе донира во вакви црковни објекти бидејќи ние сме христијанско население.”-додаде градоначалникот Котевски

Општина Новаци за изградба на новата црковна сала помогна со 600 000 денари, а по повод чинот на осветувањето организираше свечен ручек за околу 200 луѓе.

Continue reading »]]>

По повод големиот христијански празник Ѓурѓовден посветен на светиот великомаченик Георгиј, градоначалникот на општина Новаци Лазар Котевски присуствуваше на меѓународниот собир на верници кој се одржа во манастирот  во атарот на историското село  Чебрен во срцето на Мариово. Овој манастир е надалеку познат по своето училиште и богатата библиотека.

Главната манстирска црква е посветена на Св. Дмитрија Солунски која во минатото  била доста богата и грандиозна црква во комплексот. Денес таа е обновена, но во помали димензии, и нејзиниот иконостас датира од 15 век, а бил реновиран во 19 век.

Црквата „Вознесение Христово“ попозната како „Св. Спас“ се наоѓа во близина на комплексот и е со помали димензии. Таа е мала еднокорабна црква ( 6,30 х 4,30 м.) со полукружна апсида на исток и влез во наосот на запад. Градена е од обичен речен камен со врзиво од варов малтер. Внатрешноста е поделена со дрвена олтарна преграда на два дела .Сите четири ѕидови од наосот и олтарниот простор се живописани во фреско техника. Според досегашните сознанија и стручната литература фреските се датирани во 16 век. Нивната сочувана површина изнесува околу 60m².

Денес иако целиот компекс е запуштен, сепак се прават напори за негово повторно заживување и враќање на монашкиот живот.Секоја година за празникот посветен на Свети Ѓоргија, Ѓурѓовден, се собираат повеќе илјади луѓе да празнуваат. Покрај жители од Мариово, кои имаат потекло од мариовските села, доаѓаат и голем број на гости од другите краеви на Македонија. Сепак со изградбата на вештачката акумулација Чебрен, овој комплекс може да се најде и под вода.

Continue reading »]]>

Втор пат овој месец , министерот за образование и наука панче Кралев, ја посети пелагониската општина Новаци и оствари средба со градоначалникот Лазар Котевски. Во рамките на посетата го посети и  Централното основно училиште „Славко Лумбарковски“ и подрачното училиште во село Агларци. 

Воедно се интересираше за актуелната состојба и начинот на спроведување на образовниот процес како и можноста за помагање на училиштата од страна на општината во соработка со министерството за образование.  Министерот Кралев задоволен од посетата и работата на основното Училиште Славко Лумбарковски. „ Значи подрачни монтажни училишта или модуларни посебно во делови на општината каде расте бројот на ученици што е за нас многу позитивно.”- вели министерот Панче Кралев.

Изборот на локациите за изградба на вакви училишта ќе се врши по проценка на Општина Новаци во зависност од потребата преку реализација на одредени проекти. Постои можност и за отворање на дисперзирани паралелки за средно образование, што ќе биде огромна придобивка за жителите на општината. „ Техничките науки поголем број од учениците кои го завршуваат основното во Новаци продолжуваат средно во општина Битола.”- вели Кралев.

Најавениот ребаланс на буџетот и намалувањето на средствата на министерството за образование нема да влијае на изградбата на неодамна поставениот камен темелник за спортска училишна сала во единственото централно основно училиште „Славко Лумбарковски“, рече министерот Кралев. „ Посебно ребаланост нема да влијае во овој регион бидејќи за тука не се предвидени скратувања.”- рече министерот.

Според градоначалникот  Лазар Котевски , плодна била соработката и помошта што Општина Новаци ја добива од  министерството за образование  за единственото централно и шестте подрачни училишта.

„ Во делот на училиштата општината има доста инвестирано во реновирањето останаа уште неколку кои годинава ќе ги реновираме Планираме да изградиме училиште во Рапеш бидејќи бројот на ученици ни се зголеми.”- вели Лазар Котевски,  градоначалник на Новаци.

Општина Новаци е општина со голема територија но ретко населена, па зголемувањето на наталитетот во последниот период е факт кој доста не радува, вели Котевски.

„ Мислам имаше еден пад во наталитетот кој сега се стабилизира и имаме зголемување на наталитетот.”- вели градоначалникот.

Во периодот кој следи, општината ќе спроведе акнета меѓу учениците со цел да го согледа нивниот интерес за видот на едукативните насоки на  дисперзирани средношколски паралелки кои би требало да се отворат во Општина Новаци. За таа цел веќе се воделе прелминарни разговори со директорите не Техничкото и земјоделското училиште од Битола.

Continue reading »]]> Пред жителите на Општина Новаци беше презентиран и претставен проектот „Земјоделците и природата – заедно“ кој се однесува на природните придобивки од традиционалното земјоделство без разлика дали станува збор за растително или животинско потекло.

„Ваквите проекти се секогаш корисни за земјоделците,  за да може да се развива држабата треба да има развиено земјоделско производство“ изјави Илија Србиновски од подрачната единица на МЗШВ во Битола.„Националната програма за агроеколошки плаќања ќе стартува во 2013 година, а ова што го правиме се однесува на дополнување на агроеколошките мерки со мерки и подмерки кои се однесуваат на земјоделство со високи вредности што ќе им овозможи на земјоделците да го зголемат своето производство со повисок квалитет“  вели Сузана Кратовалиева универзитетски професор од Земјоделскиот институт од Скопје.Градоначалникот на Општина Новаци го истакна значењето од ваквиот вид проекти за жителите на Општина Новаци.

Continue reading »]]>

На 30 март Општина Новаци прослави 16 години од своето постоење. Советот на Општина Новаци одржа свечена седница,  на која  свое обраќање имаше и градоначалникот на Општина Новаци Лазар Котевски. Тој уште еднаш потсети на најважните проекти кои што оваа општина ги реализира во текот на своето постоење. „ Со децентрализацијата од 2005 година Општина Новаци е постојано во подем и имаме реализирано многу проекти, како што е браната на река Црна, посебно канализациона мрежа во Новаци, чистење на канали, водоводи во Гермијан, Бач, Живојно, регионален водовод во Добромири, горно и Долно Агларци и Долгобевци“ рече Котевски. Во иднина приоритетите на Општината ќе бидат нсочени кон подобрување на условите за живот на локалното население и задржување на населението на овие простори.

Инаку, Новаци како Општина започна да функционира со териоторијалната поделба од 1996 година, а од 2005 година со децентрализацијата добива поголеми овластувања.